ჯგუფი „ქალი და მედია“ მიზნად ისახავს მასმედიის საშუალებით საზოგადოებაში გენდერული თანასწორობის მიღწევის ხელშეწყობას, ჟურნალისტთა გათვითცნობიერებას გენდერულ საკითხებში.

2001 წელს ჟურნალისტებმა განახორციელეს პროექტი „ქალთა ლიდერობის ხელშეწყობა და არასამთავრობო ორგანიზაციების კოალიციის განვითარება“. მომზადდა ტელეგადაცემათა ციკლი „ლეგენდები და სინამდვილე“, ფოტო-რეპორტაჟები, ფოტო-ალბომი, გამოქვეყნდა ანალიტიკური სტატიები. 

2002 წელს შეიქმნა სამუშაო ჯგუფი „ქალი და მედია“ და განხორციელდა პროექტი „რეგიონალური მედიის ჟურნალისტთა გენდერული მგრძნობელობის ამაღლება“.

2003-2004 წლების პროექტი „კოალიციის მედია სამსახურის შექმნა“ ითვალისწინებდა საზოგადოებასთან კოალიციის კავშირის გააქტიურებასა და შიდა სამუშაოს დოკუმენტირებას. გამოიცა საინფორმაციო ბიულეტენის 4 ნომერი. მომზადდა კოალიციის არქივი და ფოტოარქივი.

2005 წელს მედია ჯგუფი ახორციელებდა პროექტს - „გენდერული ჟურნალისტიკა და პოლიტიკაში ქალთა წინსვლის ხელშეწყობა“, რომლის მიზანი იყო რეგიონის ჟურნალისტთა გააქტიურება ქალთა მხარდასაჭერად მომავალი ადგილობრივი თვითმმართველობის არჩევნებში. 

ჯგუფის მიერ განხორციელებული პროექტების საფუძველზე შეიქმნა გენდერის საკითხზე მომუშავე საქართველოს ჟურნალისტთა რეგიონული ქსელი.