2003 წელს კოალიციაში შეიქმნა სამუშაო ჯგუფი – „ქალი, გარემო და გლობალური უსაფრთხოება“, რომლის ძირითადი მიზანია ადამიანის რესურსების უსაფრთხო და სტაბილური განვითარება-მართვის, ბუნებრივი რესურსების სწორი რეგულირების პროპაგანდა და ლობირება არასამთავრობო ორგანიზაციებისა და სამთავრობო სტრუქტურების დონეზე.

2003 წლიდან ჯგუფი მუშაობს პროექტზე „ბუნებრივი და ადამიანური რესურსების სწორი მართვა, როგორც საზოგადოების მდგრადი განვითარებისა და გლობალური უსაფრთხოების საფუძველი“.

ჯგუფი შეუერთდა ევროკომისიის საჩივარს, რომლის მიხედვითაც უნდა შეიზღუდოს  გენური ინჟინერიის მეთოდით მიღებული საკვები პროდუქტების გავრცელება.

2003 წელს ჯგუფი ჩაერთო ხელისუფლების ანტიკონსტიტუციური ქმედების – საქართველოს სასმელი წყლის რესურსების გასხვისების საწინააღმდეგო კამპანიაში.

2004 წელს დაიწყო პროექტი „საზოგადოებრივი ხელშეკრულების“ – ესტონეთის გამოცდილების გავრცელება და პოპულარიზაცია საქართველოში.

ჯგუფი დაარსებიდან მუშაობს გარემოს დაცვისა და გენდერულ საკითხებთან დაკავშირებულ კანონპროექტებზე.